"Arsenal"da ciddi itki

"Arsenal"ın və Norveç millisinin yarımmüdafiəçisi Martin Odeqaard zədəsinin durumu bəlli olub.

90deqiqe.Az xəbər verir ki, bu barədə "VG"yə millinin həkimi Ola Sand məlumat verib.

Odeqaard Londona tibbi müayinədən keçmək üçün gedib və zədə səbəbindən təxminən üç həftə yaşıl meydanlardan uzaq qala bilər. Sınıq diaqnozu qoyularsa, bərpa ən azı altı həftə çəkəcəkdir.

25 yaşlı futbolçu sentyabrın 9-da Millətlər Liqasının Avstriya ilə ev oyununda (2:1) topuq biləyindən aldığı zədə səbəbindən matçın 67-ci dəqiqəsində meydanı tərk edib.

"Arsenal"ın Premyer Liqada sentyabrdakı rəqibləri arasında "Tottenhem" (15 sentyabr) və "Mançester Siti" (22 sentyabr) var. Çempionlar Liqasında London klubu sentyabrın 19-da səfərdə Avropa Liqasının hazırkı qalibi “Atalanta” ilə qarşılaşacaq.