Kalafiori Arteta və Spallettini müqayisə etdi

"Arsenal" və İtaliya millisinin müdafiəçisi Rikkardo Kalafiori, Mikel Arteta və Luciano Spallettinin oxşar xüsusiyyətlə sahib olduğunu açıqlayıb.

90deqiqe.Az xəbər verir ki, bu barədə 22 yaşlı futbolçu Millətlər Liqasında Belçika ilə oyun öncəsi mətbuat konfransında deyib.

“Arteta və Spallettinin ortaq nələri var? Bu çətin sualdır. Onların ortaq cəhəti odur ki, hər ikisi matçlarda üstün olmağa çalışır və öz yanaşmalarını rəqiblərinə tətbiq edirlər. Mən bunu dəstəkləyirəm, hər zaman təşəbbüsə sahib olmaq daha yaxşıdır”

İtaliya və Belçika milli komandaları arasında görüş cümə axşamı Bakı vaxtı ilə saat 22:45-də baş tutacaq.