Haaland Norveç milli komandasının tarixinin bombardiri olub

Norveç millisi Millətlər Liqasında Sloveniya ilə matçda inamlı qələbə qazanıb.

90deqiqe.Az-ın məlumatına görə, sözügedən matçda "Mançester Siti"nin ulduzu hücumçu Erlinq Haaland dubl edib və Norveç millisinin vurduğu qolların sayına görə yeni rekordçusu olub.

Ulduz forvard millinin heyətində 36 oyunda 34 qol vurub. Qeyd edək ki, bundan əvvəl rekord Norveç millisinin heyətində 45 oyunda 33 qol vuran Jergen Juveyə məxsus idi.

Norveçlilər sloveniyalıları 3:0 hesabı ilə məğlub ediblər.

Xatırladaq ki, Norveç yığması hazırda Millətlər Liqasında öz qrupunda turnir cədvəlində birinci yerdədir. Üç görüşdə norveçlilər yeddi xal toplaya bilib.