Stanislav Çerçesov Qazaxıstan millisindən gedir?

Rusiyalı mütəxəssis Stanislav Çerçesov Qazaxıstan yığmasından ayrıla bilər.

90deqiqe.Az "Liveresult.ru"ya istinadən xəbər verir ki, Qazaxıstan Futbol Federasiyasının rəhbəri Adlet Barmenkulov ölkənin əsas komandasında da baş məşqçi dəyişikliyi ehtimalıdan danışaraq bunları deyib: 

"Stanislav Salamoviçinin Qazaxıstan yığmasından getməsindən söhbət belə gedə bilməz. O, bizim struktur planımız üzrə millidə işini davam etdirməkdədir". 

Xatırladaq ki, Stanislav Çerçesov bu ilin iyunundan Qazaxıstan yığmasının sükanı arxasına keçib. Onun rəhbərliyi altında komadan Millətlər Liqasında 4 oyun keçirib və hesabında cəmi 1 xal var. Həmçinin Qazaxıstan seçməsi hələlik qol hesabını da açmayıb.