Spaletti İtaliya millisinin liderinin adını çəkib

İtaliya millisinin baş məşqçisi Luçano Spaletti hazırda millinin liderinin adını açıqlayıb.

90deqiqe.Az xəbər verir ki, təcrübəli çalışdırıcı "Pianetamilan"a deyib ki, "Nyukasl"ın yarımmüdafiəçisi Sandro Tonalini İtaliya millisinin ən yaxşı oyunçusudur.

“Sandro əsl maşındır. Matçın 90-cı dəqiqəsində o, irəli qaçmağa hazırdır. O, bunu sanki yeriyirmiş kimi sakit şəkildə edir”

Xatırladaq ki, hazırda Luçano Spalettinin rəhbərliyi altında “Aszurra Skuadra” Millətlər Liqasında öz kvartetində birinci yeri tutur. Son oyunda italyanlar İsrailə 4:1 hesabı ilə inamlı qalib gəlib.