"İnter" Zielinskini itirdi

"İnter"in yarımmüdafiəçisi Piotr Zielinski Polşa millisində heyətində sıradan çıxıb.

90deqiqe.Az klubun mətbuat xidmətinə istinadən xəbər verir ki, tibbi müayinədən keçən 30 yaşlı yarımmüdafiəçinin sağ bud nahiyəsində əzələ gərginliyi aşkarlanıb.

Təcrübəli futbolçunun yaşıl meydanlardan nə qədər uzaq qalacağı hələ məlum deyil.

İtaliya A Seriyasının cari mövsümündə Zielinski dörd oyun keçirib, qol vurmayıb. İtaliya çempionatının yeddi turunun nəticələrinə əsasən, "İnter" 14 xal toplayıb və turnir cədvəlinin ikinci pilləsində qərarlaşıb. Lider "Napoli" ilə fərq iki xaldır.