- Millətlər liqası
- 12:30 04.11.2024
UEFA Millətlər Liqasının qrup mərhələsində Qəbələdə Azərbaycan və Estoniya yığmaları arasında keçiriləcək V tur oyununun biletləri satışa çıxarılıb.
90deqiqe.Az AFFA-nın rəsmi saytına istinadən xəbər verir ki, qiymətlər sektorlara görə 2 və 5 manat təşkil edir.
VİP sektoruna biletlərin qiyməti isə 20 manatdır. Biletləri "İtickets" və satış kassalarından əldə etmək mümkündür.
Oyun günü, həmçinin Qəbələ şəhər stadionunda bilet satışı nəzərdə tutulub.
Qeyd edək ki, noyabrın 16-da keçiriləcək Azərbaycan-Estoniya qarşılaşması saat 18:00-da start götürəcək.
