Odeqard Norveç millisindən ayrılıb

"Arsenal"ın yarımmüdafiəçisi Martin Odeqard millidən ayrılıb.

90deqiqe.Az-ın Norveç Futbol Assosiasiyasının rəsmi saytına istinadən verdiyi məlumata görə, 25 yaşlı futbolçu topuğundan zədəsi müalicə olunmadığı üçün qarşıdakı Millətlər Liqasının oyunlarında iştirak etməyəcək. Futbolçunun özünün dediyinə görə, bu qərar komandanın tibbi qərargahı ilə söhbətdən sonra verilib.

“İki aydan çox futbol oynamıram və təbii ki, hələ 100% hazır deyiləm. Mən bədənimə qulaq asmalı, reabilitasiyamı başa vurmalı və optimal vəziyyətimə qayıtmalıyam”

Noyabrın 5-də norveçli yarımmüdafiəçinin sentyabrda zədəsini tam sağaltdığı bildirilirdi. Noyabrın 14-də Norveç millisi Sloveniya ilə səfərdə Millətlər Liqasında çıxış edəcək, noyabrın 17-də isə Qazaxıstanı qəbul edəcək.