- Millətlər liqası
- 15:57 22.11.2024
Türkiyə yığmasının UEFA Millətlər Liqasındakı rəqibi bəlli olub.
90deqiqe.Az xəbər verir ki, İsveçrənin Nyon şəhərində keçirilən mərasimdə “Ay-ulduzlular” A Liqasına vəsiqə uğrunda görüşdə Macarıstan seçməsi ilə qarşılaşacaq.
Bundan əlavə Ukrayna Belçikaya, Avstriya Serbiyaya, Yunanıstan Şotlandiyaya (A/B Liqası) rəqib olub.
Digər pley-off matçlarında Kosovo İslandiyaya, Bolqarıstan İrlandiyayla, Ermənistan Gürcüstanla, Slovakiya Sloveniyayla (B/C Liqası), Cəbəllütariq Latviyayla, Malta isə Lüksemburqla (C/D Liqası) üz-üzə gələcək.
A Liqasında 1/4 final mərhələsində Niderland İspaniyanı, Xorvatiya Fransanı, Danimarka Portuqaliyanı, İtaliya isə Almaniyanı sınağa çəkəcək. İtaliya-Almaniya cütünün qalibi yarımfinalda Niderland-İspaniya matçının güclüsü ilə qarşılaşacaq. Yarımfinalın digər matçı isə Danimarka-Portuqaliya və Xorvatiya-Fransa duelinin qalibləri arasında reallaşacaq.
Qeyd edək ki, matçlar 2025-ci il martın 20-23-də ev-səfər prinsipi ilə keçiriləcək.
