"Fransa millisi ilə heç bir problem yoxdur"

"Real"ın hücumçusu Kilian Mbappe Fransa millisinə münasibətinin dəyişmədiyini bildirib. 

90deqiqe.Az xəbər verir ki, 26 yaşlı futbolçu bu barədə jurnalistlərə açıqlamasında danışıb.

“Fransa komandası ilə heç bir problem yoxdur. Mart ayında geri dönməyi səbirsizlənirəm.Fransaya sevgim dəyişməyib, komandaya dünya çempionatına vəsiqə qazanmağa kömək etmək istəyirəm" 

Məlum olduğu kimi, Mbappe millinin oktyabr və noyabr aylarında keçirdiyi son iki təlim-məşq toplanışını buraxdığı üçün vətənində tənqid atəşinə tutulub.

Martda Fransa millisi Millətlər Liqasının 1/4 final mərhələsində Xorvatiya ilə iki oyun keçirəcək. Bu görüşün qalibi iyuna planlaşdırılan final dördlüyünə yüksələcək.