Poqba, Fransa komandasına qaytarmaq istədiyi ulduzun adını açıqlayıb

Fransalı yarımmüdafiəçi Pol Poqba, mart ayında dopinq qadağasının başa çatmasından sonra futbolçu karyerasını bərpa edəcəyini açıqlayıb.

90deqiqe.Az "Twitch"ə istinadən xəbər verir ki, təcrübəli futbolçu, karyerasının növbəti mərhələsində yenidən Fransa millisində oynamağı arzuladığını bildirib.

"Fransa komandası üçün darıxıram, futbol oynamaq üçün darıxıram. Milliyə qayıtsam, Antuan Qrizmanna zəng edəcəyəm və ona dərhal qayıt deyəcəyəm."

Qeyd edək ki, Antuan Qrizmann ötən ilin payızında Fransa millisindəki karyerasını başa vurduğunu açıqlamışdı. 

Fransa millisi mart ayında Millətlər Liqasının 1/4 finalında Xorvatiya ilə qarşılaşacaq.