İlk dəfə millidə forma geyəcək

"Real Madrid"nin mərkəz müdafiəçisi Raul Asensio ilk dəfə İspaniya milli komandasına çağırılıb.

90deqiqe.Az-ın məlumatına görə, İspaniya yığmasının Millətlər Liqasının pley-off mərhələsində iştirak edəcək namizədlər siyahısı ölkənin kral futbol federasiyasının mətbuat xidməti tərəfindən açıqlanıb.

İspaniya yığması martın 20-də Rotterdamda, 23-də isə Valensiyada Niderland ilə iki oyun keçirəcək. Matçın qalibi Xorvatiya-Fransa cütünün ən güclü komandası ilə qarşılaşacaq.

Asensio bu mövsüm bütün klub yarışlarında 39 oyun keçirib və iki məhsuldar ötürmə edib. 22 yaşlı futbolçunun "Real Madrid"lə hazırkı müqaviləsi 30 iyun 2026-cı ilə qədərdir. Onun transfer dəyəri isə 7,5 milyon avro qiymətləndirilir.