"Gülərin "İnter"ə keçməsini istəyirəm"

"İnter" klubunun yarımmüdafiəçisi Hakan Çalhanoğlu həmyerlisi Arda Güləri Milan komandasına dəvət edib.

90deqiqe.Az-ın "Ajansspor"a istinadən verdiyi xəbərə görə, təcrübəli futbolçu Güləri Türkiyə millisi üçün çox vacib oyunçu hesab etdiyini  və onun "Real"dan ayrılaraq Milan klubuna keçməsi lazım olduğunu bildirib.

“O, burada oynayacaq. Belə keyfiyyətli futbolçular hər kəsə lazımdır. Arda daha çox dəqiqə almağa layiqdir, amma mən onun "Real Madrid"dəki vəziyyətinə qarışmaq istəmirəm”

Xatırladaq ki, bu mövsüm Arda Gülər ​​"Real Madrid"in heyətində İspaniya çempionatında 18 oyuna çıxıb, 1 qol vurub və 3 məhsuldar ötürmə edib.