Naqelsmann Almaniya millisinin ilk qapıçısının adını açıqlayıb

Almaniya millisinin baş məşqçisi Julian Naqelsmann komandanın qapıçısı Mark-Andre ter Ştegenlə bağlı fikirlərini bölüşüb.

90deqiqe.Az xəbər verir ki, "Sky Sport DE" təcrübəli çalışdırıcının dediklərini belə çatdırıb. 

 "Mark düzgün yoldadır. Amma o, formada deyilsə, bir nömrəli yer uğrunda mübarizə bütün qapıçılar üçün açıqdır. Bununla belə, Mark bilir ki, o, optimal vəziyyətdədirsə, o, bizim bir nömrəmizdir. İndi biz ona vaxt verəcəyik və nə baş verdiyini görəcəyik"

"Barselona"nın 32 yaşlı qolkiperi millinin heyətində meydanda 42 oyun keçirib. Bu görüşlərdə 50 qol buraxıb və 13 dəfə qapısını toxunulmaz saxlaya bilib. Yada salaq ki, hazırda ter Ştegen ötən ilin sentyabrında aldığı zədəni sağaltmaqda davam edir.