"Xorvatiyadan qisas almalı idik"

Fransa millisinin qapıçısı Mayk Maynyan Millətlər Liqasının 1/4 final mərhələsinin cavab matçında Xorvatiya millisi üzərində qazanılan qələbəni şərh edib.

90deqiqe.Az-ın məlumatına görə, qolkiper bu barədə UEFA-nın mətbuat xidmətinə danışıb.

“Biz bilirdik ki, ilk oyundakı məğlubiyyətə görə Xorvatiyadan qisas almalıyıq. İlk oyunda rəqib üstünlük təşkil etdi və bu, bizim qürurumuzu incitdi. Cavab matçında ilk dəqiqədən son dəqiqəyə kimi konsentrasiyamızı qoruduq.Biz bilirdik ki, bu, penaltilər seriyasına qədər gələ bilər.

Cavab görüşü Fransa yığmasının 2:0 hesablı qələbəsi ilə başa çatıb. Penaltilər seriyasında “üçrənglilər” xorvatlardan daha dəqiq olub – 5:4.