- Millətlər liqası
- 12:10 09.06.2025
UEFA Millətlər Liqasının 2024/2025 mövsümünün yarımfinal mərhələsində Almaniya yığmasına qarşı keçirilən oyunda Portuqaliya millisinin hücumçusu Kriştiano Ronaldo daha bir əlamətdar göstəriciyə imza atıb.
90deqiqe.Az-ın məlumatına görə, "Əl-Nəsr" klubunun 40 yaşlı futbolçusu görüşün 68-ci dəqiqəsində fərqlənərək komandasına üstünlük qazandırıb. Bu qol Ronaldo üçün peşəkar karyerasında vurduğu 937-ci qol olub. Onun hesabında klub səviyyəsində 800, milli komanda ilə isə 137 qol var.
Qeyd edək ki, Kriştiano Ronaldo milli komandalar səviyyəsində ən çox qol vuran futbolçu ünvanını qoruyur.
Ötən mövsüm hücumçu "Əl-Nasr"ın heyətində bütün turnirlərdə 41 matçda iştirak edib, 35 qol vurub və 4 məhsuldar ötürmə edib. Futbolçunun klubla hazırkı əmək müqaviləsi 2025-ci ilin yayına qədər qüvvədədir.Transfermarkt portalında verilən məlumata görə, futbolçunun bazar dəyəri 12 milyon avrodur.
