“Ronaldo hər kəs üçün nümunədir”

Portuqaliya yığmasının baş məşqçisi Roberto Martinez UEFA Millətlər Liqasının İspaniya ilə final oyunu öncəsi hücumçu Kriştiano Ronaldonun komandadakı rolunu dəyərləndirib.

90deqiqe.Az xəbər verir ki, təcrübəli mütəxəssis bu barədə UEFA-nın mətbuat xidmətinə açıqlama verib:

“Bu, Kriştianonun milli komanda ilə dördüncü finalıdır. O, inanılmaz oyunçudur, hər kəs üçün nümunədir. Onun aclığını bəyənirəm. Hər şeyi qazanıb, amma ertəsi gün yenidən sıfırdan başlayır. Rodriqo Mora, Kenda, Joao Neves üçün Ronaldo ilə işləmək və onunla soyunub-geyinmə otağını bölüşmək əsl fürsətdir.”

Yarımfinalda Portuqaliya Almaniyanı Kriştiano Ronaldonun qələbə qolu ilə məğlub edib. İspaniya da öz növbəsində Fransadan güclü idi. Qarşılaşma 5:4 hesabı ilə başa çatıb.

Qarşılaşma Almaniyanın “Arena Münhen” stadionunda baş tutacaq. Oyun 8 iyuna planlaşdırılıb.