“Sabah yenidən tarix yazacağıq”

Portuqaliya millisinin hücumçusu və kapitanı Kriştiano Ronaldo UEFA Millətlər Liqasının finalı ilə bağlı sosial şəbəkədə paylaşım edib.

90deqiqe.Az xəbər verir ki, təcrübəli futbolçu İspaniya ilə baş tutacaq həlledici qarşılaşma öncəsi X (əvvəlki Twitter) hesabında bunları yazıb:

“Bu bizim üçündür. Bu sizin üçündür. Bu Portuqaliya üçündür. Sabah biz yenidən tarix yazacağıq.”

Qeyd edək ki, Portuqaliya millisi yarımfinalda Almaniya yığmasına 2:1 hesabı ilə qalib gəlib. Qələbə qoluna isə 40 yaşlı Ronaldo imza atıb.

Final qarşılaşması 8 iyun bazar günü Almaniyanın “Arena Münhen” stadionunda keçiriləcək.