"Əgər Yamalı əvəz edibsə, səbəbi var'"

Portuqaliya millisinin ulduz hücumçusu Kriştiano Ronaldo İspaniya yığmasının baş məşqçisi Luis de la Fuentenin UEFA Millətlər Liqasının finalında 17 yaşlı Lamin Yamalı əvəz etməsinə münasibət bildirib.

90deqiqe.Az xəbər verir ki, "Mundo Deportivo" nəşri futbolçunun dediklərini belə çatdırıb.

“Luis de la Fuente — fenomenal bir mütəxəssisdir. O, məndən daha yaxşı bilir, mən məşqçi deyiləm. Komandası üçün nə lazım olduğunu o daha yaxşı anlayır. İspaniya ilə artıq bir neçə turnir qazanıb. Daha nə istəyirsiniz? Əgər belə bir qərar veribsə, deməli, bu, komandanın xeyrinə olub”.

Gərgin keçən qarşılaşma əsas və əlavə vaxtda 2:2 hesabı ilə başa çatıb, penaltilər seriyasında isə İtaliya İspaniyanı 5:3 hesabı ilə məğlub edib. Yamal 106-cı dəqiqədə əvəz olunub və bu qərar bəzi azarkeşlər və ekspertlər tərəfindən tənqid edilib.

Qeyd edək ki, bu, İspaniyanın Millətlər Liqası tarixində ikinci final məğlubiyyətidir. Portuqaliya isə turnirdə ikinci dəfə qalib olub — ilk çempionluğunu 2019-cu ildə əldə etmişdi.