- Millətlər liqası
- 01:53 25.09.2026
UEFA Millətlər Liqasının A Liqasında I turun növbəti oyunu keçirilib.
90deqiqe.Az-ın məlumatına görə, Norveç və Danimarka yığmaları Oslodakı “Ullevaal” stadionunda qarşılaşıblar. Almaniyalı Tobias Ştiler qarşılaşmanın baş hakimi olub.
Görüş meydan sahiblərinin 3:2 hesablı qələbəsi ilə yekunlaşıb.
Matçda hesabı 14-cü dəqiqədə Norveç millisinin futbolçusu Oskar Bobb açıb. Dörd dəqiqə sonra Erlinq Holand fərqi iki topa çatdırıb.
Danimarka 25-ci dəqiqədə Mikkel Damsqorun qolu ilə fərqi azaldıb. İkinci hissənin 50-ci dəqiqəsində Rasmus Höylund hesabı bərabərləşdirib.
Norveçin kapitanı Erlinq Holand 74-cü dəqiqədə ikinci dəfə fərqlənərək komandasına qələbə qazandıran qola imza atıb.
Görüşün 90+3-cü dəqiqəsində Norveç millisinin müdafiəçisi David Möller Volf qırmızı vərəqə alaraq meydandan kənarlaşdırılıb.
Millətlər Liqasının II turunda Norveç sentyabrın 27-də doğma meydanda Portuqaliya ilə qarşılaşacaq. Həmin gün Danimarka da evdə Uels yığmasını qəbul edəcək.
