Litva – Azərbaycan oyununun hakimləri açıqlanıb

UEFA Millətlər Liqasının D Divizionunda Litva və Azərbaycan milli komandaları arasında keçiriləcək oyuna hakim təyinatları açıqlanıb.

90deqiqe.Az UEFA-nın rəsmi saytına istinadən xəbər verir ki, sentyabrın 27-də Kaunas şəhərində təşkil olunacaq qarşılaşmanı Kiprdən olan hakimlər briqadası idarə edəcək.

Matçın baş hakimi Menelaos Antoniu olacaq. Ona yan xətt hakimləri Pavlos Georgiu və Eraklis Komodromos kömək edəcəklər. Dördüncü hakim funksiyasını Konstantinos Fellas yerinə yetirəcək.

VAR sisteminə Marios Çaristoforou cavabdeh olacaq. Onun köməkçisi isə Dimitris Solomou təyin edilib.

Qeyd edək ki, Litva – Azərbaycan görüşü Bakı vaxtı ilə saat 17:00-da başlayacaq.