Belçika İtaliyaya qalib gəldi

Millətlər Liqasının A Liqasında qrup mərhələsinin ilk turunda İtaliya və Belçika yığmaları üz-üzə gəlib.

90deqiqe.Az-ın məlumatına görə, Romadakı “Olimpiko” stadionunda keçirilən qarşılaşmanı Almaniyadan olan Daniel Zibert idarə edib.

Belçika millisi matçda 2:0 hesablı qələbə qazanıb.

Qonaqların heyətində Mika Qodts 20-ci dəqiqədə hesabı açıb. Dodi Lukebakio isə 69-cu dəqiqədə Belçikanın ikinci qolunu vuraraq yekun hesabı müəyyənləşdirib.

Qrup mərhələsinin ikinci turunda İtaliya sentyabrın 28-də Türkiyə ilə, Belçika isə həmin gün Fransa ilə qarşılaşacaq.

Qeyd edək ki, Millətlər Liqasının son qalibi Portuqaliya yığmasıdır. Portuqaliya finalda İspaniyanı əsas vaxtda 2:2 hesabı ilə başa çatan oyunun penaltilər seriyasında 5:3 hesabı ilə məğlub edib.

Portuqaliya Millətlər Liqasının ikiqat qalibidir.