Slovakiya Moldovanı məğlub etdi

Millətlər Liqasında Slovakiya və Moldova yığmaları üz-üzə gəlib.

90deqiqe.Az-ın məlumatına görə, qarşılaşma Slovakiya millisi 2:0 hesablı qələbə qazanıb.

Ev sahibləri 31-ci dəqiqədə hesabı açıblar. Tomas Suslovun ötürməsindən sonra İvan Şrants dəqiq zərbə ilə fərqlənərək Slovakiyanı önə keçirib – 1:0.

Slovakiya 40-cı dəqiqədə fərqi artırıb. Ondrey Duda təyin olunan penaltini dəqiq yerinə yetirərək hesabı 2:0-a çatdırıb.

İkinci hissədə Moldova hesabı dəyişməyə çalışsa da, qonaqlar fərqlənə bilməyib.

Slovakiya sona qədər üstünlüyünü qoruyaraq matçdan qələbə ilə ayrılıb.