Van Deyk Serbiya qələbəsini şərh etdi

Niderland millisinin kapitanı Vircil van Deyk Millətlər Liqasının ikinci turunda Serbiya üzərində qazanılan qələbəni şərh edib.

90deqiqe.Az-ın məlumatına görə, Van Deyk UEFA-nın mətbuat xidmətinə açıqlamasında komandasının çıxışını dəyərləndirib:

“Üç xal qazandığımız üçün şadıq. Bununla belə, özümüzə qarşı tənqidi olmalıyıq, çünki bu, ən yaxşı oyunumuz deyildi. Meks çox yaxşı çıxış etdi – özünəinamlı oynadı və yaranan imkanlardan istifadə etdi”.

Qeyd edək ki, Belqradda keçirilən qarşılaşmada Niderland 2:1 hesabı ilə qalib gəlib. Qonaqların hər iki qolunu Meks Merdink vurub.iki turdan sonra Niderland millisinin hesabında 4 xal var.

Komanda Millətlər Liqasının növbəti oyununu oktyabrın 1-də səfərdə Yunanıstana qarşı keçirəcək.