İrlandiya İsraili darmadağın etdi

İrlandiya millisi Millətlər Liqasında İsraili 3:0 hesabı ilə məğlub edib.

90deqiqe.Az-ın məlumatına görə, qonaqlar hər üç qolu ilk hissədə vuraraq matçın taleyini fasiləyə qədər həll ediblər.

Hesab 14-cü dəqiqədə açılıb. Troy Parratt İsrailin qapısına yol taparaq İrlandiyanı önə keçirib. Cəmi iki dəqiqə sonra qonaqlar fərqi artırıblar. 16-cı dəqiqədə Adam Ayda fərqlənib.

İrlandiya hücumlarını davam etdirib və 25-ci dəqiqədə hesabı 3:0-a çatdırıb. Bu dəfə Cek Moylan adını tabloya yazdırıb.

İkinci hissədə isə qol olmayıb. İrlandiya millisi ilk 45 dəqiqədə qazandığı üstünlüyü inamla qoruyub, İsrail isə rəqib qapısına yol tapa bilməyib.