Qırğızıstan Maldiv adalarını darmadağın etdi

Qırğızıstan millisi bu gün keçirilən yoldaşlıq oyununda Maldiv adalarını 5:0 hesabı ilə məğlub edib.

90deqiqe.Az-ın məlumatına görə, meydan sahibləri qarşılaşmaya fəal başlayıb və artıq 12-ci dəqiqədə hesabı açıblar. Erbol Atabayev rəqib qapısına yol tapıb.

Qırğızıstan hücumlarını davam etdirib və 20-ci dəqiqədə fərqi iki topa çatdırıb. Bu dəfə Astanakulov Sirojiddin fərqlənib.

Cəmi üç dəqiqə sonra Atabayev yenidən diqqət mərkəzinə düşüb və dublunu rəsmiləşdirib.

Qırğızıstan fasiləyə qədər daha iki qol vurub. 33-cü dəqiqədə Valeri Murzakov hesabı 4:0-a çatdırıb, 42-ci dəqiqədə isə Kojo Joelü yekun nəticəni müəyyənləşdirib – 5:0.