“Liverpul”un futbolçusu zədələndi - milli komandadan kənarda qalacaq

Niderland millisinin cinah hücumçusu Kodi Qakpo UEFA Millətlər Liqasının Serbiya ilə son oyununda zədələnib.

90deqiqe.Az-ın məlumatına görə, 27 yaşlı futbolçu qarşılaşmanın ilk hissəsinin ortalarında məcburi şəkildə meydanı tərk edib.

Niderland millisinin sosial şəbəkələrdə yaydığı məlumata görə, Qakpo beynəlxalq fasilə çərçivəsində Yunanıstan və Serbiyaya qarşı keçiriləcək növbəti görüşlərdə komandasına kömək edə bilməyəcək.

Hücumçunun yaxın günlərdə “Liverpul”un düşərgəsinə qayıdacağı bildirilib.

Qeyd edək ki, Qakpo bu mövsüm mersisayd təmsilçisinin heyətində 6 oyuna çıxıb. O, həmin matçlarda 2 qol vurub və 4 məhsuldar ötürmə edib.