“Kurtuanın burada olmamasından çox məmnunam”

Fransa millisinin yarımmüdafiəçisi Eduardo Kamavinqa UEFA Millətlər Liqasında Belçikaya qarşı keçiriləcək matçda Tibo Kurtuanın iştirak etməyəcəyindən məmnun olduğunu bildirib.

90deqiqe.Az-ın məlumatına görə, Kamavinqa mətbuat konfransında Kurtuanın yoxluğuna münasibət bildirib:

“Milli komandaya yollanmazdan əvvəl onunla danışmışdıq. Amma sualınıza cavab olaraq deyə bilərəm ki, bəli, onun burada olmamasından çox məmnunam”.

Qeyd edək ki, “Real Madrid”in qapıçısı DÇ-2022-dən sonra Millətlər Liqası oyunlarında iştirak etməmək qərarına gəlib.

Əlavə edək ki, Fransa və Belçika bu gün – sentyabrın 28-də Brüsseldə üz-üzə gələcək. Qarşılaşma Bakı vaxtı ilə saat 22:45-də başlayacaq.

Fransa Millətlər Liqasının əvvəlki turunda Türkiyəni 1:0 hesabı ilə məğlub edib. Belçika isə İtaliya üzərində 2:0 hesablı qələbə qazanıb.