Azərbaycan – Lixtenşteyn oyununun hakimləri açıqlanıb

UEFA Millətlər Liqasının D Liqasında Azərbaycan və Lixtenşteyn milli komandaları arasında keçiriləcək oyuna hakim təyinatları açıqlanıb.

90deqiqe.Az-ın məlumatına görə, 2-ci qrupun qarşılaşmasını Avstriyadan olan hakimlər briqadası idarə edəcək.

FIFA referisi Kristian-Petru Çokirkaya oyunun baş hakimi olacaq. Ona həmyerliləri Maksimilian Vays və Mihael Obritsberqer kömək edəcəklər. Dördüncü hakim funksiyasını Şafak Parmaksız yerinə yetirəcək.

VAR hakimi Manuel Şyuttenqruber, AVAR isə Aleksander Harkam olacaq.

Qeyd edək ki, Azərbaycan – Lixtenşteyn qarşılaşması oktyabrın 1-də Tofiq Bəhramov adına Respublika stadionunda keçiriləcək. Matç saat 20:00-da başlayacaq.