Lüksemburq İslandiyanın qarşısında aciz qaldı

Millətlər Liqasının qrup mərhələsində Lüksemburq və İslandiya yığmaları üz-üzə gəlib.

90deqiqe.Az-ın məlumatına görə, qarşılaşma İslandiya millisinin 3:0 hesablı qələbəsi ilə başa çatıb.

Qonaqlar ilk dəqiqələrdən daha fəal oyun nümayiş etdirib və 13-cü dəqiqədə hesabı açıblar. Andri Qudyonson Lüksemburqun qapısına yol taparaq komandasını önə keçirib.

Meydan sahibləri oyunda tarazlıq yaratmağa çalışsalar da, fasiləyədək daha bir qol buraxıblar. 39-cu dəqiqədə Orri Ouskarsson İslandiyanın üstünlüyünü iki topa çatdırıb.

İkinci hissədə Lüksemburq oyunun gedişini dəyişmək və rəqib müdafiəsinə təzyiq göstərmək istəyib. Lakin islandiyalılar meydan sahiblərinə hesabı dəyişməyə imkan verməyiblər.

73-cü dəqiqədə Viktor Paulsson İslandiyanın üçüncü qolunu vuraraq qarşılaşmada son nöqtəni qoyub.

Beləliklə, İslandiya Millətlər Liqasında Lüksemburq üzərində 3:0 hesablı inamlı qələbə qazanıb.