Estoniya səfərdə Bolqarıstanla heç-heçə etdi

Millətlər Liqasının qrup mərhələsində Bolqarıstan və Estoniya yığmaları üz-üzə gəlib.

90deqiqe.Az-ın məlumatına görə, qarşılaşma qolsuz heç-heçə ilə başa çatıb.

Komandalar ilk dəqiqələrdən ehtiyatlı oyun nümayiş etdirib və hücumlara böyük qüvvə ilə qoşulmayıblar. Bolqarıstan oyuna daha çox nəzarət etməyə və mövqe hücumları qurmağa çalışsa da, Estoniya müdafiəsi rəqibin yaratdığı təhlükələrin öhdəsindən inamla gəlib.

İkinci hissədə də oyunun ssenarisi dəyişməyib. Bolqarıstan rəqibin cərimə meydançası ətrafında boşluqlar axtarıb, Estoniya isə intizamlı müdafiəyə və sürətli əks-hücumlara üstünlük verib.

Lakin qarşılaşmanın sonunadək komandaların heç biri rəqib müdafiəsinin “açarını” tapa bilməyib.

Beləliklə, Bolqarıstan və Estoniya Millətlər Liqasının bu turunda xalları bölüşüblər.