Ronaldo, Jorje Jezuş və federasiya prezidenti görüşəcək

Portuqaliya millisinin hücumçusu Kriştiano Ronaldo, yığmanın baş məşqçisi Jorje Jezuş və Portuqaliya Futbol Federasiyasının prezidenti Pedro Proensa çərşənbə günü Kopenhagendə görüş keçirəcək.

90deqiqe.Az-ın məlumatına görə, bu barədə “Record” məlumat yayıb.

Məlumata görə, görüş Norveçlə Millətlər Liqası matçından sonra yaranan gərginlik fonunda baş tutacaq.

Jorje Jezuş daha əvvəl Ronaldonu qarşılaşmanın təxminən 30-cu dəqiqəsində meydana buraxacağını açıq şəkildə bildirsə də, 40 yaşlı hücumçu isinməsinə baxmayaraq, oyunu ehtiyat oyunçular skamyasında keçirib.

Mənbənin iddiasına görə, Ronaldo baş məşqçinin bu qərarından narazı qalıb.

Hazırda yaranmış vəziyyətin hansı nəticələrə səbəb olacağı məlum deyil.