Almaniya millisi Yurgen Kloppun rəhbərliyi altında ilk qələbəsini qazandı

Millətlər Liqasının A Liqasında III turun Almaniya və Serbiya milli komandaları arasında keçirilən oyunu başa çatıb.

90deqiqe.Az-ın məlumatına görə, “Arena Münhen” stadionunda keçirilən qarşılaşmanı norveçli baş hakim Espen Eskos idarə edib. Görüş meydan sahiblərinin 2:0 hesablı qələbəsi ilə yekunlaşıb.

Almaniya millisinin yarımmüdafiəçisi Tom Bişof 40-cı dəqiqədə hesabı açıb. Florian Virts isə 61-ci dəqiqədə fərqi artırıb.

Bu qələbə Almaniya millisinin Yurgen Kloppun rəhbərliyi altında ilk uğuru olub. Bundan əvvəl Almaniya Yunanıstana 0:1 hesabı ilə uduzub, Niderlandla isə 1:1 hesablı heç-heçə edib.

Qrup mərhələsinin növbəti turunda Almaniya oktyabrın 4-də Yunanıstanla, Serbiya isə həmin gün Niderlandla qarşılaşacaq.

Qeyd edək ki, Millətlər Liqasının son qalibi Portuqaliya millisidir. Portuqaliya finalda İspaniyanı əsas vaxtda 2:2 hesabı ilə başa çatan matçdan sonra penaltilər seriyasında 5:3 hesabı ilə məğlub edib.