"Konsa Xorvatiya ilə oyuna hazırdır"

İngiltərə millisinin baş məşqçisi Tomas Tuxel “Arsenal”ın müdafiəçisi Ezri Konsanın yüngül zədədən sağaldığını və Xorvatiya ilə oyuna hazır olduğunu bildirib.

90deqiqe.Az-ın məlumatına görə,  “Football London” çalışdırıcının dediklərini belə çatdırıb.

 “Görünür, Ezri Konsa geri qayıdıb. Bu gün o, tam məşq keçdi. Bu, təbii ki, sabahkı oyun öncəsi ümidverici haldır, çünki o, bizim üçün əsas oyunçulardan biridir”

Konsanın qayıdışı “Arsenal” üçün də yaxşı xəbərdir. Müdafiəçi zədələnən Uilyam Salibanın yoxluğunda son vaxtlar mütəmadi olaraq meydana çıxıb.

Konsadan başqa, “Arsenal”da daha bir neçə zədəli futbolçu var. Martin Edeqor Norveç millisinin Portuqaliya ilə oyununda topuq nahiyəsindən zədə alıb. Deklan Rays isə fiziki yükün artması ilə bağlı narahatlıqlara görə İngiltərə millisinin heyətindən çıxarılıb.

Qeyd edək ki, 28 yaşlı futbolçu İspaniya ilə matçda meydana çıxıb, lakin Çexiya ilə növbəti görüşü buraxıb.