Macarıstan Gürcüstanı minimal hesabla məğlub etdi

UEFA Millətlər Liqasının B Liqasında III turun Macarıstan – Gürcüstan oyunu başa çatıb.

90deqiqe.Az-ın məlumatına görə, Budapeştdəki “Puşkaş Arena”da keçirilən qarşılaşmada meydan sahibləri 1:0 hesabı ilə qalib gəliblər.

Matçda yeganə qol 35-ci dəqiqədə Macarıstan millisinin müdafiəçisi Miloş Kerkez tərəfindən vurulub.

Gürcüstan millisinin ulduzu Xviça Kvaratsxeliya görüşdə 90 dəqiqə meydanda olub. Lakin hücumçu nəticəli hərəkətlərlə yadda qalmayıb.

Bu qələbədən sonra Macarıstan 3 oyunda 4 xal toplayaraq qrupda ikinci pilləyə yüksəlib. Gürcüstan isə 1 xalla sonuncu – dördüncü sırada qərarlaşıb.

Qeyd edək ki, Millətlər Liqasının son qalibi Portuqaliya millisidir. Portuqaliya finalda İspaniyanı penaltilər seriyasında 5:3 hesabı ilə məğlub edib. Əsas vaxt 2:2 hesabı ilə başa çatıb. Portuqaliya bu turnirdə iki dəfə qalib olub.