Moldova Qazaxıstana qalib gəldi

UEFA Millətlər Liqasının qrup mərhələsinin III turunda Qazaxıstan və Moldova yığmaları üz-üzə gəlib.

90deqiqe.Az-ın məlumatına görə, qarşılaşma Moldovanın 2:1 hesablı qələbəsi ilə başa çatıb.

Matçda hesab 45+1-ci dəqiqədə açılıb. Moldova millisinin hücumçusu Niki Kleşşenko fərqlənərək komandasını önə keçirib.

İkinci hissənin əvvəlində qonaqlar üstünlüyü artırıblar. Petru Popesku 50-ci dəqiqədə hesabı 2:0-a çatdırıb.

Qazaxıstan 64-cü dəqiqədə fərqi azaldıb. Nurali Alip topu Moldova yığmasının qapısından keçirib.

Qalan dəqiqələrdə hesab dəyişməyib və Moldova səfərdən 3 xalla ayrılıb.

Bu qələbədən sonra Moldova 4 xal toplayaraq qrupda ikinci pilləyə yüksəlib. Qazaxıstan isə 1 xalla sonuncu – dördüncü sırada qərarlaşıb.