18 noyabr 2026. Çərşənbə

“Bu gün sürətimizə və qaçışlarımıza tab gətirə bilmədilər”


“Bu gün sürətimizə və qaçışlarımıza tab gətirə bilmədilər”

İngiltərə millisinin kapitanı Harri Keyn Xorvatiya ilə oyundan sonra fikirlərini bölüşüb.  

90deqiqe.Az-ın məlumatına görə, “BBC” futbolçunun sözlərini belə çatdırıb.

“Bu, əvvəldən sona qədər inanılmaz idi. Tam oyun keçirməli, həm topla, həm də topsuz tam üstünlük təşkil etməli olduğumuz barədə çox danışmışdıq. Bu gün məhz bunu nümayiş etdirdik. Biz ən yaxşı oyunumuzu sərbəst hərəkət etdikdə, fiziki baxımdan rəqibdən üstün olduğumuzda və Premyer Liqa səviyyəsində oynadıqda göstəririk. Bu gün bunu gördünüz. Onlar sürətimizə və qaçışlarımıza tab gətirə bilmədilər”

“Çoxlu sərbəstlik var idi. Dördümüzün – Keyn, Qordon, Bellinqem və Sakanın – hamısı yaxşı oyunçulardır. Hücumçunun arxasında oynaya, həmçinin doqquz nömrə mövqeyində çıxış edə bilərik. Rəqibin bizi analiz etməsi çox çətindir. Nəticədə topu itirdikdə hər birimiz yarımmüdafiəyə və ya müdafiəyə sığorta vermək üçün kifayət qədər ağıllı və yaxşı hazırlıqlı oluruq. Biz məhz belə oynamaq istəyirik. Onlar kimin qarşısını fərdi şəkildə kəsməli və kimə təzyiq göstərməli olduqlarını müəyyənləşdirməkdə çox çətinlik çəkirdilər”.

“Bütün həftə hava əla idi, otel çox yaxşı idi, okean mənzərəsi vardı. Dincəlməyə köklənə bilərdik. Bu, bizim üçün qeyri-adi toplanış oldu. Heç vaxt evdən bu qədər uzaqda bu qədər vaxt keçirməmişdik. Həftənin ideal sonluğu oldu”.

Qeyd edək ki, UEFA Millətlər Liqasının qarşılaşmasında Tomas Tuxelin yetirmələri 7:0 hesabı ilə qalib gəlib.İngiltərə millisi oktyabrın 6-da qrupun autsayderi Çexiyanı doğma meydanda qəbul edəcək.







Millətlər liqası

“Martda daha güclü olacağıq”
  • Millətlər liqası
  • 00:46 18.11.2026
“Martda daha güclü olacağıq”
“Ronaldonu əvəz etmək çox çətin olacaq”
  • Millətlər liqası
  • 02:05 17.11.2026
“Ronaldonu əvəz etmək çox çətin olacaq”
Cəbəllütariq Malta ilə heç-heçə etdi
  • Millətlər liqası
  • 01:50 17.11.2026
Cəbəllütariq Malta ilə heç-heçə etdi
İsveçrə Şotlandiyanı darmadağın etdi
  • Millətlər liqası
  • 01:48 17.11.2026
İsveçrə Şotlandiyanı darmadağın etdi
Poçettino ABŞ millisi ilə son oyununa çıxacaq
  • Millətlər liqası
  • 23:44 16.11.2026
Poçettino ABŞ millisi ilə son oyununa çıxacaq