- Millətlər liqası
- 00:47 04.10.2026
UEFA Millətlər Liqasının qrup mərhələsinin III turunda İslandiya millisi Bolqarıstanı 3:0 hesabı ilə məğlub edib.
90deqiqe.Az-ın məlumatına görə, İslandiya yığmasının qələbəsində əsas pay sahibi Orri Oskarsson olub. Hücumçu 37-ci dəqiqədə hesabı açıb, ikinci hissədə isə daha bir qol vuraraq komandasının üstünlüyünü artırıb. Görüşdə son nöqtəni isə Mikael-Eqill Ellertsson qoyub.
Bu, İslandiyanın turnirdə üçüncü oyunu olub. Komanda daha əvvəl Estoniya ilə 1:1 hesablı heç-heçə edib, Lüksemburqu isə 3:0 hesabı ilə məğlub edib.
Bolqarıstan isə İslandiya ilə qarşılaşmaya qədər aktivində bir xal toplayıb. Komanda Lüksemburqa 1:2 hesabı ilə uduzub, Estoniya ilə isə qolsuz heç-heçə edib.
