Şotlandiya Şimali Makedoniyaya qalib gəldi

UEFA Millətlər Liqasının qrup mərhələsində Şotlandiya millisi Şimali Makedoniyanı 2:0 hesabı ilə məğlub edib.

90deqiqe.Az-ın məlumatına görə, qonaqlar qarşılaşmada hesabı 7-ci dəqiqədə açıblar. Billi Gilmorun ötürməsindən sonra Kieron Boui fürsətdən yararlanaraq topu Şimali Makedoniyanın qapısından keçirib – 0:1.

İkinci hissədə də Şotlandiya üstünlüyünü davam etdirib. 70-ci dəqiqədə meydan sahiblərinin qapısına penalti təyin olunub. Con Makqinn 11 metrlik cərimə zərbəsini dəqiq yerinə yetirərək fərqi iki topa çatdırıb.

Görüşün sonlarında Şotlandiya azlıqda qalıb. 83-cü dəqiqədə müdafiəçi Skott MakkKenna qırmızı vərəqə alaraq meydandan qovulub.

Şimali Makedoniya say üstünlüyündən istifadə edərək fərqi azaltmağa çalışsa da, meydan sahibləri buna nail ola bilməyib. Beləliklə, Şotlandiya 2:0 hesablı qələbəni qoruyub.