19 noyabr 2026. Cümə axşamı

Kriştiano Ronaldo Portuqaliya millisində yenidən çıxış edə bilər


Kriştiano Ronaldo Portuqaliya millisində yenidən çıxış edə bilər

"Əl Nəsr"də çıxış edən təcrübəli hücumçu Kriştiano Ronaldo Portuqaliya millisində yenidən çıxış edə bilər.

90deqiqe.Az-ın “The Touchline"ə istinadən məlumatına görə, 41 yaşlı hücumçunun gələn il milli komandaya qayıtması gözlənilir. Hazırda tərəflər arasında yaranmış vəziyyətin həlli istiqamətində danışıqlar aparılır.

Məlumata görə, danışıqlarda Ronaldonun nümayəndələri, baş məşqçi Jorje Jezuşun ətrafı və Portuqaliya Futbol Federasiyasının təmsilçiləri iştirak edirlər.

Bundan əlavə, Ronaldonun peşəkar karyerasında 1000-ci qolunu məhz milli komandanın heyətində vurmaq istədiyi bildirilir.

Qeyd edək ki, Ronaldo sentyabrın sonunda Jorje Jezuş ilə yaşadığı münaqişədən sonra Portuqaliya millisinin düşərgəsini tərk edib. Bundan əvvəl hücumçu Norveçlə matçın sonuna qədər ehtiyat oyunçular skamyasında qalıb. Baş məşqçi isə Ronaldonun Danimarkaya qarşı görüşdə də start heyətində yer almayacağını açıqlayıb.

Ronaldo komandanın düşərgəsini tərk etdikdən sonra qərarının səbəblərini açıqlamayıb və bununla bağlı daha sonra danışacağını bildirib.







Millətlər liqası

“Artıq tunelin sonunda işıq görünür”
  • Millətlər liqası
  • 23:25 18.11.2026
“Artıq tunelin sonunda işıq görünür”
Daniil Sikan Ukrayna millisinin tarixinə düşüb
  • Millətlər liqası
  • 02:19 18.11.2026
Daniil Sikan Ukrayna millisinin tarixinə düşüb