20 noyabr 2026. Cümə

Fransa Belçikanı darmadağın etdi


Fransa Belçikanı darmadağın etdi

UEFA Millətlər Liqasının A Liqasında qrup mərhələsinin IV turunda Fransa və Belçika milliləri qarşılaşıb.

90deqiqe.Az-ın məlumatına görə, Fransanın Sen-Deni şəhərindəki “Stad de Frans” stadionunda keçirilən görüş meydan sahiblərinin 4:1 hesablı qələbəsi ilə başa çatıb.

Matçın baş hakimi şotlandiyalı Nik Uolş olub.

Qarşılaşmada hesabı 35-ci dəqiqədə Belçika millisinin yarımmüdafiəçisi Dodi Lukebakio açıb.

Fransa 77-ci dəqiqədə hesabı bərabərləşdirib. Meydan sahiblərinin hücumçusu Desiré Doue fərqlənib. Cəmi dörd dəqiqə sonra Rayan Şerki Fransa millisinin ikinci qolunu vuraraq komandasını önə keçirib.

88-ci dəqiqədə Maykl Olise hesabı 3:1-ə çatdırıb. O, 90+1-ci dəqiqədə yenidən fərqlənərək dubl edib və qarşılaşmanın yekun hesabını müəyyənləşdirib – 4:1.

Bu nəticədən sonra Fransa millisi 4 oyunda 10 xal toplayaraq 1-ci qrupun turnir cədvəlində liderliyini qoruyub. Belçika isə 6 xalla ikinci pillədə qərarlaşıb.

Qeyd edək ki, UEFA Millətlər Liqasının son qalibi Portuqaliya millisidir. Portuqallar ötən mövsümün finalında İspaniyanı əsas vaxtı 2:2 hesabı ilə başa çatan matçdan sonra penaltilər seriyasında 5:3 hesabı ilə məğlub ediblər.

Portuqaliya millisi bununla da Millətlər Liqasının tarixində ikinci dəfə turnirin qalibi olub.







Millətlər liqası

 “O, futbolun ən yaxşılarından biridir”
  • Millətlər liqası
  • 23:43 19.11.2026
“O, futbolun ən yaxşılarından biridir”
“Artıq tunelin sonunda işıq görünür”
  • Millətlər liqası
  • 23:25 18.11.2026
“Artıq tunelin sonunda işıq görünür”
Daniil Sikan Ukrayna millisinin tarixinə düşüb
  • Millətlər liqası
  • 02:19 18.11.2026
Daniil Sikan Ukrayna millisinin tarixinə düşüb