Ukrayna 2 dəqiqə ərzində qələbəni əldən verdi

UEFA Millətlər Liqasının qrup mərhələsində Ukrayna və Macarıstan milli komandaları üz-üzə gəlib.

90deqiqe.Az xəbər verir ki, qarşılaşma Macarıstan millisinin 2:1 hesablı qələbəsi ilə başa çatıb.

Görüşün ilk hissəsində qapılara qol vurulmayıb. Bütün qollar ikinci hissədə qeydə alınıb.

52-ci dəqiqədə Milan Tot Ukrayna millisinin qapısına yol taparaq Macarıstanı hesabda önə keçirib – 0:1.

Ukrayna millisi bundan sonra hesabı bərabərləşdirmək üçün hücumlarını artırıb. Meydan sahiblərinin səyləri 83-cü dəqiqədə nəticə verib. Roman Yaremçuk fərqlənərək hesabı 1:1 edib.

Lakin Ukraynanın sevinci uzun çəkməyib. Cəmi iki dəqiqə sonra, 85-ci dəqiqədə Mark Çinger Macarıstanın ikinci qolunu vuraraq komandasını yenidən önə keçirib – 1:2.

Qalan dəqiqələrdə Ukrayna hesabı bərabərləşdirməyə çalışsa da, istəyinə nail ola bilməyib.

Beləliklə, Macarıstan səfərdə Ukraynanı 2:1 hesabı ilə məğlub edib.