“Ronaldo baş məşqçisini və komanda yoldaşlarını çətin vəziyyətdə qoydu”

“Mançester Yunayted”in sabiq hücumçusu Ueyn Runi Kriştiano Ronaldonun davranışını tənqid edib.

90deqiqe.Az-ın məlumatına görə, o bildirib ki, portuqaliyalı futbolçunun hərəkəti ölkəsinin Futbol Federasiyasının nüfuzuna xələl gətirib, baş məşqçi Jorje Jezuşu və komanda yoldaşlarını çətin vəziyyətdə qoyub.

 “Baş məşqçini və komanda yoldaşlarını belə vəziyyətdə qoymaq olmaz. Hər futbolçunun başına belə hallar gəlir – bəzən milli komandadan və ya oyundan ayrılmalı olursan. O isə bunun öhdəsindən gələ bilmir və bunu görmək xoş deyil. Bu, indiyədək gördüyüm bütün sərhədləri aşır”, – deyə Runi “Stick to United” podkastında bildirib.

Qeyd edək ki, Ronaldonun Millətlər Liqasının qrup mərhələsi zamanı start heyətinə daxil edilmədiyinə görə Jezuşa narazılıq edərək milli komandanın düşərgəsini özbaşına tərk etdiyi bildirilir.

Hazırda Kriştiano Ronaldo Portuqaliya millisinin oyunlarından kənarlaşdırılıb. Bununla belə, onun noyabrda Millətlər Liqasında keçiriləcək oyunlar üçün heyətə qayıtması istisna edilmir.