Belçika millisinin baş məşqçisi “Milan”ın müdafiəçisinin dəvət almamasının səbəbini açıqladı

Belçika millisinin baş məşqçisi Mark van Bommel “Milan”ın müdafiəçisi Koni de Vinterin Millətlər Liqasının qarşıdakı oyunları üçün heyətə çağırılmamasına münasibət bildirib.

90deqiqe.Az-ın məlumatına görə, mütəxəssis mətbuat konfransında futbolçunun əvvəlki dövrdə az oyun praktikası əldə etməsindən narazı olduğunu deyib:

“Dünya çempionatında və son dövrlərdə o, az oyun vaxtı alırdı və bu vəziyyət onu narahat edirdi. Bu, onun öz seçimi idi və mən heç nəyi dəyişə bilməzdim”.

Qeyd edək ki, De Vinter Belçika millisinin heyətində səkkiz oyun keçirib. Müdafiəçi cari mövsümdə “Milan”ın start heyətində müntəzəm yer alsa da, son dünya çempionatında bir dəqiqə belə meydana çıxmayıb.

Belçika mətbuatı van Bommelin açıqlamasını futbolçunun gələcəkdə milli komandaya dəvət almaya biləcəyinin işarəsi kimi qiymətləndirib.