Lamin Yamal İspaniya millisinin düşərgəsinə qoşulmayacaq

“Barselona”nın cinah hücumçusu Lamin Yamal dizindəki problemlərə görə İspaniya millisinin düşərgəsinə yollanmayacaq.

90deqiqe.Az-ın İspaniya Kral Futbol Federasiyasına istinadən məlumatına görə, 18 yaşlı futbolçu Millətlər Liqasında Çexiyaya qarşı keçiriləcək oyunu buraxacaq. Bununla belə, onun İngiltərə ilə görüşdə meydana çıxmağa hazır olacağı gözlənilir.

Yamal La Liqanın son turunda “Atletiko”ya qarşı keçirilən matçdan (2:1) sonra sağ dizində narahatlıq hiss edib. Tibbi müayinədən sonra futbolçunun klubun düşərgəsində qalmasına qərar verilib.

Bundan başqa, “Real Sosyedad”ın hücumçusu Mikel Oyarsabal da keçirdiyi infeksiyadan sonra müalicəsini davam etdirdiyi üçün millinin düşərgəsinə qoşulmayıb.

Hər iki futbolçunun cümə axşamı Çexiyaya qarşı Millətlər Liqası matçını buraxacağı ehtimal olunur.