Türkiyə millisi Belçikaya məğlub olub

UEFA Millətlər Liqasının A Liqasının I qrupunda V turun oyununda Türkiyə millisi doğma meydanda Belçikaya 1:2 hesabı ilə uduzub.

90deqiqe.Az-ın məlumatına görə, İzmir şəhərindəki “İSONEM Park Gürsel Aksel” stadionunda keçirilən görüşdə Sergen Yalçının rəhbərliyi altında ilk oyununa çıxan Türkiyə yığması məğlubiyyətlə üzləşib.

Türkiyə millisinin heyətində 20-ci dəqiqədə Arda Gülər fərqlənib. Belçikanın qollarını isə 27-ci dəqiqədə Kevin De Bruyne, 30-cu dəqiqədə Çarlz De Ketelare vurublar.

Beləliklə, beş oyundan sonra Türkiyə millisi hələ də xalla tanış ola bilməyib. Belçika isə xallarının sayını doqquza çatdırıb.

Türkiyə yığması Millətlər Liqasındakı son oyununu noyabrın 15-də səfərdə Fransa millisinə qarşı keçirəcək.