- Millətlər liqası
- 02:02 13.11.2026
UEFA Millətlər Liqasının 2026/2027-ci illər mövsümündə A Liqasının 1-ci qrupunun V turunda İtaliya və Fransa yığmaları arasında keçirilən mərkəzi qarşılaşma başa çatıb.
90deqiqe.Az-ın məlumatına görə, Milandakı “San-Siro” stadionunda baş tutan görüş meydan sahiblərinin 3:1 hesablı əzmkar qələbəsi ilə yekunlaşıb.
Rumıniyadan olan hakimlər briqadasının idarə etdiyi matçda hesabı 10-cu dəqiqədə Fransa millisinin cinah hücumçusu Maykl Olise açıb.
İtaliya yığması 26-cı dəqiqədə hesabı bərabərləşdirib. Françesko Esposito Nikolo Kambyaqinin məhsuldar ötürməsindən sonra topu rəqib qapısından keçirib.
İkinci hissədə təşəbbüsü tam ələ alan “Skuadra Adzurra” 63-cü dəqiqədə hesabda önə keçib. Davide Frattezi Federiko Dimarkonun ötürməsini qolla tamamlayıb.
75-ci dəqiqədə isə Esposito dubl edərək matçın yekun hesabını müəyyənləşdirib – 3:1.
Dörd turdan sonra həm Fransa, həm də İtaliya millilərinin aktivində 10 xal var. İtaliya əlavə göstəricilərə görə birinci, Fransa isə ikinci pillədə qərarlaşıb.
Qeyd edək ki, Millətlər Liqasının son qalibi Portuqaliya millisidir. Portuqaliyalılar ötən mövsümün finalında İspaniyanı əsas vaxtı 2:2 hesabı ilə başa çatan oyunun penaltilər seriyasında 5:3 hesabı ilə məğlub ediblər.
