Monteneqro Latviyanı son dəqiqələrdə məğlub edib

Monteneqro yığması Millətlər Liqası çərçivəsində keçirilən görüşdə Latviyaya 2:1 hesabı ilə qalib gəlib.

90deqiqe.Az-ın məlumatına görə, qarşılaşmanın ilk hissəsində komandalar qol vura bilməyiblər.

Fasilədən sonra oyunun tempi yüksəlib. 70-ci dəqiqədə Nikola Krstoviç Monteneqro yığmasını hesabda önə çıxarıb.

Lakin meydan sahiblərinin üstünlüyü cəmi iki dəqiqə davam edib. 72-ci dəqiqədə Denis Melnik fərqlənərək hesabı bərabərləşdirib.

Matçın taleyi əlavə olunmuş dəqiqələrdə həll olunub. 90+1-ci dəqiqədə Duşan Vukoviçin vurduğu qol Monteneqroya 2:1 hesablı qələbə qazandırıb.