Albaniya millisi Finlandiyaya qalib gəlib

Albaniya yığması Millətlər Liqası çərçivəsində keçirilən görüşdə Finlandiyanı 2:0 hesabı ilə məğlub edib.

90deqiqe.Az-ın məlumatına görə, meydan sahibləri hər hissədə bir qol vuraraq inamlı qələbə qazanıblar.

Albaniya millisinin heyətində 35-ci dəqiqədə Ernest Muçi hesabı açıb. Fasilədən sonra da fəal oyununu davam etdirən ev sahibləri 50-ci dəqiqədə Rey Manayın qolu ilə üstünlüyü iki topa çatdırıblar.

Qalan dəqiqələrdə Finlandiya hesab arasındakı fərqi azaltmağa çalışsa da, Albaniya müdafiəsini yarmaq mümkün olmayıb. Beləliklə, meydan sahibləri 2:0 hesablı qələbəni qoruyub saxlayıblar.