Moldova millisi Qazaxıstanı məğlub edib

Moldova yığması Millətlər Liqası çərçivəsində keçirilən görüşdə Qazaxıstan millisinə 2:1 hesabı ilə qalib gəlib.

90deqiqe.Az-ın məlumatına görə, meydan sahiblərinə qələbə qazandıran qolların hər ikisini Petru Popesku vurub.

Görüşün ilk hissəsi qarşılıqlı mübarizə şəraitində keçib. Fasiləyə az qalmış, 39-cu dəqiqədə Popesku fərqlənərək Moldova millisinin hesabda önə keçməsini təmin edib.

İkinci hissəyə fəal başlayan Qazaxıstan yığması 51-ci dəqiqədə İslam Çesnokovun qolu ilə hesabı bərabərləşdirib.

Matçın taleyi 77-ci dəqiqədə həll olunub. Petru Popesku yenidən rəqib qapısına yol taparaq dubl edib və komandasına 2:1 hesablı qələbə qazandırıb. Qalan dəqiqələrdə Qazaxıstan millisi hesabı bərabərləşdirməyə çalışsa da, Moldova yığması üstünlüyünü qoruyub.